Goal 1 . End poverty in all its forms everywhere

1.2.1 Proportion of population living below the national poverty line

Milli yoxsulluq həddindən aşağı səviyyədə yaşayan ölkə əhalisinin xüsusi çəkisi 2010-cu ildəki 9,1 faizdən hər il ardıcıl azalaraq 2015-ci ildə 4,9 faiz səviyyəsinə düşmüş, 2016-cı ildə 1,0 faiz bəndi artmış, 2017-ci ildə isə 5,4 faiz səviyyəsinə enmişdir. Ümumilikdə 2010-2017-ci illər ərzində milli yoxsulluq həddindən aşağı səviyyədə yaşayan əhalinin xüsusi çəkisinin bu templərlə azalması müsbət meyil kimi qiymətləndirilir.

1.3.1 Proportion of the unemployed population receiving unemployment benefits, in percentage

Rəsmi statistikaya görə, 2010-cu ildən ötən dövr ərzində məşğulluq xidməti orqanlarında rəsmi işsiz statusu verilmiş şəxslərdən işsizlik müavinəti alanların sayındakı artım əvvəlki illərlə müqayisədə 2017-ci ildə daha çox olmuşdur. Nəticədə, ölkə üzrə işsizlik müavinəti alan işsiz əhalinin xüsusi çəkisi son yeddi ildə 17,90 faiz bəndi artaraq 18,12 faizə çatmışdır ki, bunlardan da kişilərin 19,38 faizi, qadınların isə 15,92 faizi işsizlik müavinəti alan işsiz əhali kimi müəyyən edilmişdir.

Hesablamalar göstərir ki, məşğulluq xidmətləri orqanlarında işsiz statusu alan şəxslərin sayı mütləq ifadədə 485 nəfər (kişilər üzrə 2517 nəfər artım, qadınlar üzrə 3002 nəfər azalma) azalsa da, işsiz statusu alan şəxslər arasında işsizliyə görə müavinət alanların sayı 6887 nəfər artaraq 2017-ci ilin sonuna 6974 nəfərə çatmışdır. Beləliklə, 2018-ci ilin əvvəlinə məşğulluq xidmətləri orqanlarında işsiz statusu almış 38481 nəfər əhalidən (bunlardan 63,7 faizi kişilər, 36,3 faizi qadınlar olmuşdur) işsizliyə görə müavinət alan kişilər 68,1 faiz, qadınlar isə 31,9 faiz təşkil etmişdir.

1.a.2 Ümumi dövlət xərclərində əsas xidmətlərə (təhsil, səhiyyə, sosial müdafiə və sosial təminat) çəkilən xərclərin xüsusi çəkisi, faizlə

image-1a2-umumi-dovlet-xerclerinde-esas-xidmetlere-tehsil-sehiyye-sosial-mudafie-ve-sosial-teminat-chekile

Mənbə: Azərbaycan Respublikasının Maliyyə Nazirliyi

2016-cı ilə nisbətən 2017-ci ildə dövlətin əsas xidmətlərə sərf etdiyi vəsaitin ümumi həcmində cüzi azalma baş versə də, nəticə etibarı ilə 2010-cu ilə nisbətən 4,04 faiz bəndi artaraq 27,27 faiz səviyyəsinə çatmışdır. Belə ki, dövlət büdcəsinin xərclərinin strukturunda əsas xidmətlərə çəkilən xərclərin həcmi mütləq ifadədə 2010-cu ildəki 2733,0 milyon manatdan 2017-ci ildə 4797,6 milyon manatadək yüksəlmişdir. Bu xərclərin strukturunda təhsil xərcləri 1180,8 milyon manatdan 1742,7 milyon manatadək, səhiyyə xərcləri 429,2 milyon manatdan 704,7 milyon manatadək, sosial müdafiə və sosial təminat xərcləri isə 1123,0 milyon manatdan 2350,2 milyon manatadək artmışdır. Bu göstəricinin 2017-ci ilin ÜDM-də xüsusi çəkisi ümumilikdə 25,1 faiz təşkil etmişdir.

Monitoring and evaluation of national progress on SDGs