2010-2019-cu illər ərzində nəqliyyat sektorunda sərnişin daşımalarının həcmi hər il ardıcıl olaraq artsa da, 2020-ci ildə bu göstərici 2019-cu illə müqayisədə 42,7 faiz azalmışdır. 2021-ci ildə nəqliyyat sektorunda sərnişin daşımalarının həcminin əvvəlki ilə nəzərən 3,1 faiz artmasına baxmayaraq, pandemiyayaqədərki dövrlə (2019-cu il) müqayisədə 41,0 faiz aşağı olmuşdur.

 2021-ci ildə 2020-ci illə müqayisədə beynəlxalq sərnişin daşımalarının həcmi 748 min sərnişindən 612 min sərnişinədək azalmış, daxili sərnişin daşımalarının həcmi isə 1176884 min sərnişindən 1213541 min sərnişinədək artmışdır.

2010-2019-cu illər ərzində nəqliyyat sektorunda yük daşımalarının həcmi hər il ardıcıl olaraq artsa da, 2020-ci ildə bu göstəricinin qiyməti 2019-cu illə müqayisədə 19,8 faiz azalmışdır. 2021-ci ildə nəqliyyat sektorunda yük daşınmasının həcminin əvvəlki ilə nəzərən 2,8 faiz artmasına baxmayaraq, pandemiyayaqədərki dövrlə (2019-cu il) müqayisədə 17,6 faiz aşağı olmuşdur.